Lajme nga ekipi.

Ndërhyn ish ambasadori, portieri i Lushnjes drejt Ferencvaroshit 8 Tetor   Portjeri i Lushnjes, Mikel Spaho, është një siguri e madhe për portën verdhëjeshile. Një pjesë e suksesit të tij, është e hungarezit Shandor Szabo, dikur një trainer në fushë, sot një trajner në distancë për portierin 26 vjeçar. “I ndjek udhëzimet e tij dhe kontaktet i mbaj të vazhdueshme, sepse e ardhmja ime mund të jetë Ferencvarosh. Tani që po afron ndeshje me Hungarinë, Shandor po më ngacmon, por unë i kam bërë mesazhin tim: Ndeshjado të përfundojë 1-1”. Më tej portieri i Lushnjës përgëzoi shokët e tij të skuadrës, për takimin e fundit në Peqin. “Ndaj Shkumbinit pashë 14 heronjë në fushë. Luajtëm në një “moçal”, kundër një kundështari që vetëm godiste me shkelma dhe në fund bëmë shfaqen më të mirë”, tha Spaho.

Hasalla Pas dy ditëve pushim verdhëjeshilët kanë dalë në terrenin stërvitor, ku do të shfrytëzojnë periudhën e pushimit, për të riparuar difektet e përsëritura në javët e para të kampionatit. “Fitorja në Peqin – thotë Hasalla  do të jetë një ndihmë e madhe për ekipin, që në këtë periudhë pushimi të bëjë maksimumin, për përsosmërinë e gjithçkaje që është e mundur. Bëmë një ndeshje të madhe në Peqin. Luftë me terenin, luftë me kundështarin dhe luftë nervash me gjyqtarët. Mendoj se lufta jonë duhet të vazhdojë. Personalisht, kam bërë një ndeshje të mirë në Peqin, por do të punoj me mesfushorët, që manovra në të majtë të arrijë maksimumin e mundshëm. Dua të marr më shumë gjëra përsipër dhe të hedh sa më shumë topa në zonë nga e majta”, u shpreh veterani i verdhëjeshilëve Blerim Hasalla.

Kampionati Kombetar i Futbollit – Kategoria Superiore

Shiu dhe një veteran,Peqini përmbytet i tëri

Shkumbini – Lushnja 1-2

Shënues: Turdiu 16’(11m) / Bubeqi 45 G.Çela 75(11m) E shtunë 4 tetor 2008, ora 15:00 në fushën sportive të Peqinit Shkumbini: Llani, Pashja, Shameti, Gallo, Grami, Turdiu, Byzhyti (Gërxho 73’), Shenaj, Delijovski, (Dervishi 30’) Nora, Rizvanolli. Trajner: G. Magani Lushnja: Spaho, E.Çela, Xhafa, Hasalla, P.Arbri (Dhima 66), G.Çela, G.Arbri (Topi 70), Koreshi (Sekseri 32), Bubeqi, K.Arbri Bokotola Trajner: S.Malko Gjyqtarë: B. Pashaj, S. Lamçja D. Agarai

Fusha e Peqinit nuk është e pathyeshme. E ka vërtetuar dje Lushnja, e cila ka prishur “virgjërinë” e shtëpisë së Shkumbinit. E gjithë paraditja e së shtunës ka patur një mot të mirë në qytetin e Peqinit mirëpo në 30 minutat e para të saj ka filluar një shi i rrëmbyeshëm, të cilin arritën ta shfrytëzojnë më së miri lojtarët lushnjarë. Pjesa e parë e takimit ka nisur me një rast të miqve me anë të organizatrit të tyre Bokotola, por Llani tregohet i vëmendshëm. Pas saj janë peqinasit të cilët e kërkuan me cdo kusht golin dhe në minutën e 15të, Shenaj arrin të marrë një 11m të cilin Erald Turdiu e ka kthyer në gol. Mirëpo ky gol i shënuar u duk se ndikoi negativisht për peqinasit të cilët e menduan si të mbyllur takimin duke e ulur mjaft tempin e lojës. Mesi i pjesës së parë korespondon me një shi të rrëmbyeshëm, i cili e rëndoi shumë fushën dhe nuk i lejoi lojtarët e të dyja ekipeve të shprehnin vlerat e tyre. Kjo i detyroi të dy teknikët të këshillojnë lojtarët e tyre të luajnë me topa të gjatë ku në njërin prej tyre, atë të minutës së fundit, ish sulmuesi i Shkumbinit Dorian Bubeqi, përfiton dhe i vetëm përballë Llanit, godet duke barazuar takimin. Me fillimin e pjesës së dytë u duk se peqinasit do të reflektonin me lojën e tyre dhe do të kthenin rezultatin por në minutën e 66 të mesfushori Turdiu, shënuesi i golit të vetëm të peqinasve ka marrë një karton të kuq duke e lënë ekipin me 10 lojtarë. Edhe pse me një forcë mangët, peqinasit nuk i reshtën sulmet në portën e miqve, por ishte e qartë se mungonte lojtari gol, ai që duhet të shtynte topin në rrjetë. Peqinasit disa herë u gjendën në pozicione të mira përballë Spahos por gjuajtjet ishin për t’u harruar. Nga ana e tyre lushnjarët menduan edhe për kundërsulmin ku në njërin prej tyre arritën që me anë të sulmuesit të tyre Bubeqi të marrin edhe një 11m, të cilin e ka kthyer në gol një ish futbollist tjetër peqinas, kapiteni lushnjar G.Cela. Ky gol vulosi edhe rezultatin e takimit në Peqin. Vetë tifozët, përveç se kanë duruar shiun e rrëmbyeshëm të pasdites, kanë marrë një dush të ftohtë nga miqtë lushnjarë për t’u treguar më së shumti se fitorja u takon atyre që japin në fushën e lojës më të mirën dhe janë rezultativë. Në fundin e takimit peqinasit e kishin të vështirë të gjenin kaq shpejt arsyet e kësaj humbje dhe fajtorët direct. Për këtë arsye tekniku Magani ka bërë më të vështirën dhe të pazakonshmen, teksa nuk ka pranuar të prononcohet për mediat e shumta sportive. Kjo humbje jo vetëm që prishi “virgjërinë” e fushës së Peqinit, por i detyroi këta të fundit ta shohin veten disa shkallë më poshtë në renditje. Dhe lamtumirë vendit të dytë

Si radhë herë asnjë nga trajnerët nuk ka pranuar të prononcohet në fundin e takimit Sikurse edhe në takime të tjera në Peqin atmosfera ka qenë e jashtëzakonshme e shoqëruar me fishekzjarre dhe bori të shumta tifozësh. Por jo për të gjithë ndeshjen Në fillimin e takimit tribuna e stadiumit ka qenë e bllokuar për shkak të rikonstruksioneve që po kryhen në të por në fundin e pjesës së parë ajo u hap për të strehuar tifozët e shumtë që u grumbulluan aty për shkak të shiut të madh që filloi pas minutës së 30﷓të. Penalltia e akorduar nga kryesori Pashai ka qenë i pari për peqinasit në këtë kampionat. Penalltia e dhënë në Peqin për Apoloninë ka qenë gjithashtu e para kundër për Shkumbinin në shtëpinë e vet. Dorian Bubeqi nuk ka festuar pas shënimit të golit të barazimit duke respektuar kështu tifozërinë peqinase si një ish﷓lojtar i këtij ekipi Presidenti Ismaili është larguar nga tribuna menjëherë pas shënimit të golit të dytë të lushnjarëve dhe nuk është parë më në stadium. Malko: Askush s’mund të hedhë baltë mbi Lushnjën rajneri lushnjar Sajmir Malko nuk e quan rastësi fitoren e ekipit të tij në PeqinLushnjarët i janë gëzuar tripikëshit të parë në transfertë, kur në ndeshjen e javës së gjashtë të kampionatit, kanë dalë fitimtarë nga fusha sportive e Peqinit, ku mposhtën Shkumbinin me rezultatin 2 – 1. Takimi në të shumtën e tij u zhvillua nën reshjet e dendura të shiut, por gjithsesi lushnjarët arritën të bindin në lojë dhe në rezultat. Fillimisht ishin vendësit, që pas një faulli të shkaktuar nga mbrojtja lushnjare, morën një 11-metërsh, të cilin e shndërroi në gol Turdiu. Pavarësisht se deri në ato momente të lojës të dy ekipet po luanin si të barabarta në fushë, goli i mobilizoi më tej lushnjarët, të cilët edhe pse në një fushë të vështirë, ku nuk fitonte asnjë skuadër prej dy vjetësh, arrijnë të gjejnë golin e barazimit në fund të pjesës së parë. Lushnjarët iu përgjigjën grintës së peqinasve me grintë dhe dëshirë për të bërë më të mirën. Kjo dha rezultat, kur Gentian Çela nuk fali nga pika e bardhë e penalltisë së fituar nga Fatjon Topi, i rrëzuar në zonë. Pasuan mjaft aksione të vendësve, por lushnjarët u treguan të aftë të zbrapsin të gjitha tentativat për barazim, duke shfrytëzuar edhe hapësirat që linin futbollistët e Shkumbinit në prapavijë. Ekipi lushnjar ka treguar me të vërtetë vlerat e tij, duke marrë tri pikë të para për këtë sezon jashtë fushës së tij dhe pikërisht me një ekip që nuk fal kollaj. Trajneri lushnjar Sajmir Malko, në lidhje me takimin e ditës së shtunë, ku futbolistët e tij arritën të përmbysnin disavantazhin e krijuar ndaj tyre, u shpreh: “Sigurisht që jemi të gjithë të gëzuar nga kjo fitore e arritur me meritë. Thjesht çuditem kur kjo konsiderohet surprizë. Në të gjitha ndeshjet ne kemi luajtur për tri pikë. Rezultatet dukeshin që nuk do të vononin dhe erdhën. Ne jemi të bindur te grupi i futbollistëve që kemi në dispozicion dhe them se ekipin e kishim karikuar siç duhet për këtë takim, ku nuk mungoi dalja në pah e aftësive të tyre. U ndëshkuam mjaft shpejt me gol, por djemtë treguan karakter dhe ditën të reagojnë. Fillimisht barazuam dhe më tej në pjesën e dytë përmbysëm gjithçka në favorin tonë me një lojë bindëse. Shfrytëzuam më së miri dhe epërsinë numerike dhe u treguam të qetë, madje mund të them se me pak kujdes mund ta kishim trefishuar rezultatin.” Në fakt, ka qenë një javë përgatitjesh që sollën një rezultat të tillë, kur lushnjarët vuanin për rezultat, pasi loja e tyre ka ardhur në ngritje nga java në javë. “U munduam të rikuperonim repartet që na çalonin dhe sigurisht futbollistët që hodhëm në fushë dhanë më të mirën e tyre. Terreni ishte i vështirë dhe kundërshtari përdori goditjet standarde për të na ndëshkuar, por të gjithë futbollistët treguan përqëndrim gjatë gjithë lojës duke dominuar mbi kundërshtarin në të gjitha aspektet, sidomos në aspektin fizik. Ashtu siç mund të kishim shënuar në fund të lojës me kundërsulm, ashtu mund të kishte shënuar edhe kundërshtari. Ne e merituam fitoren dhe askush nuk mund të hedhë baltë mbi djersën tonë,” – e ka mbyllur prononcimin e tij numri një i stolit lushnjar, Sajmir Malko. Sakaq, mësohet se futbolllistët janë lënë pushim sot, ashtu si edhe ditën e diel. Përgatitjet për takimin e radhës do të fillojnë të martën, duke parë edhe ndërprerjen e kampionatit kombëtar për dy javë. Keto jane lajmet e fundit nga ekipi! Per cdo paqartesi ose info kontaktoni me administratorin e ketij siti ose ne kslushnja.webs.com  ju faleminderit!Stafi i Lushnja WARRIORS!

Foto e dites…

Shkumbini -Lushnja  1 – 2

Gjendja e fushes se Peqinit gjate ndeshjes…

Tabela e Klasifikimit!

			Totali					Brenda					Jashte
Poz	Skuadra	Ndeshje	F	B	H	SH	P	F	B	H	SH	P	F	B	H	SH	P	+/-	Pike
1.	Tirana	6	4	2	0	8	2	2	0	0	5	2	2	2	0	3	0	+6	14
2.	Vllaznia	6	3	2	1	7	4	2	1	0	4	1	1	1	1	3	3	+3	11
3.	Dinamo	6	2	4	0	6	3	1	3	0	4	2	1	1	0	2	1	+3	10
4.	Shkumbini	6	3	1	2	9	7	3	0	1	7	3	0	1	1	2	4	+2	10
5.	Elbasani	6	2	3	1	3	2	1	2	0	2	1	1	1	1	1	1	+1	9
6.	Flamurtari	6	3	0	3	5	6	2	0	1	2	1	1	0	2	3	5	-1	9
7.	Besa	6	2	2	2	5	5	1	2	1	2	2	1	0	1	3	3	0	8
8.	Apolonia	6	2	1	3	5	7	1	0	1	2	2	1	1	2	3	5	-2	7
9.	Teuta	6	1	3	2	3	4	1	1	1	2	2	0	2	1	1	2	-1	6
10.	Lushnja	6	2	0	4	5	8	1	0	2	3	4	1	0	2	2	4	-3	6
11.	Partizani	6	1	1	4	3	6	0	0	2	1	3	1	1	2	2	3	-3	4
12.	Bylis	6	1	1	4	4	9	1	1	1	3	3	0	0	3	1	6	-5	4

Lushnja përmbys gjithçka, mrekulli në Peqin

Shkumbini gabon rëndë në fushën e tij, ndërsa lushnjarët marrin pikët e para jashtë fushe

Shkumbini – Lushnja 1-2
Shënues: Turdiu 16′ (11-m), Bubeqi 44′, G.Çela 75′ (11-m)

Shkumbini: Llani, Gallo, Grami, Pashja, Shameti, Shenaj, Bizhyti (Gërxho 71′), Delioski (Dervishi 30′), Turdiu, Nora, Rizvanolli. Trajner: G.Magani.
Lushnja: Spaho, E.Çela, Xhafa, Hasalla, P.Arbri (Dhima 76′), G.Çela, G.Arbri (Topi 70′), Bubeqi, K.Arbri, Bokotola, Korreshi (Sekseri 32′). Trajner: S.Malko.
Gjyqtarë: B.Pashaj, S.Avdo, D.Agaraj (Tiranë)
Kartonë të verdhë: E.Çela, Spaho, K.Arbri
Karton i kuq: Turdiu

“Radiografia”
5′ Tentativa e parë i takon Lushnjës, kur P.Arbri me një gjuajtje nga distanca provon, por përfundon jashtë.
10′ Kundërpërgjigjet Shkumbini me Turdiun, që del i vetëm përballë portierit Spaho, por harkon keq mbi portë.
16′ Aksioni i Shkumbinit ndërpritet pas ndërhyrjes së parregullt të mbrojtësve lushnjarë ndaj Shenajt brenda zonës, dhe 11-metërsh, që e merr përsipër Turdiu, i cili realizon. 1 0 për Shkumbinin.
19′- Mundësi e mirë e Lushnjës për të barazuar me Bubeqin, që me portën bosh, gjuan keq mbi të.
25′ Topi i harkuar nga goditja e këndit zotërohet nga Gërxho, i cili gjuan me kokë, por Spaho tregohet i vëmendshëm, duke e grushtuar në goditje këndi mbi tra.
33′- Shkumbini rrezikon me Bizhytin, por gjuajtja e tij me kokë përfundon paksa mbi shtyllën e sipërme.
35′ Kundërsulmi i Lushnjës mbyllet me gjuajtjen nga e djathta e K.Arbrit që grushtohet saktë nga Llani.
44′ Bubeqi përfiton nga hezitimi i mbrojtjes vendëse për të dalë përballë portierit, duke u treguar i saktë me gjuajtjen e bërë. Lushnja barazon në 1 1.
52′ Pas gjuajtjes së Bokotolës, Shameti për pak shkakton autogol në portën e vet.
54′ Kundërpërgjigjet Shkumbini me gjuajtjen e fortë të Shenajt, që “qeth” traun e sipërm të portës së Spahos.
57′ Shameti ka pasur të gjitha mundëistë për të shënuar i vetëm përballë portës, por ia “dhuron” topin Spahos.
72′ Topi, i sapofutur në lojë, për pak nuk shënon me kokë.
75′ G.Çela është treguar i saktë nga pika e 11-metërshit të fituar pas një ndërhyrje të gabuar. 1 2 për Lushnjën.
89′ Dervishi kthen topin për Gërxhon, i cli gjuan fort, por jashtë.
93′ Nora ka shmangur edhe portierin Spaho, ka gjuatjur në portë, por një mbrojtës largon topin e shpëton nga goli i barazimit.

Komenti
E pabesueshme dje në Peqin, teksa Lushnja ka përmbysur gjithçka ndaj Shkumbinit dhe ka marrë tri pikë të arta në transfertë. Ekipi i Shkumbinit diti të shfaqë që në fillim ambiciet e veta, duke luajtur me grintë për të zotëruar topin e parë dhe do të jenë ata që do të rrezikojnë të parët portën e Llanit, por fundi ishte i hidhur. Me kalimin e minutave Shkumbini organizohet më mirë dhe krijoi epërsi në fushë, duke u shfaqur rrezikshëm në portën e Spahos. Në këto minuta të mira do të vijë edhe goli i parë që shënohet nga pika e 11 metërshit prej Turdiut. Goli i shënuar krijon përkohësisht idenë që ai do të pasohej nga të tjerë gola të Shkumbinit, por që mbeti vetëm dëshirë e asgjë më shumë. Kundërshtari arrin të përfitojë nga kjo përgjumje e vendësve, për ta ndëshkuar në fundin e pjesës së parë me golin e Bubeqit. Eshtë ky rezultat që mbyll këtë pjesë, duke pritur që vendësit të reagojnë, për t’u treguar më të saktë dhe për të kaluar në epërsi. Fillimi i kësaj pjese është i mirë, duke i detyruar miqtë të luajnë më të tërhequr e më të kujdesshem për mbrojtjen. Shkumbini lodhet shumë, duke harxhuar jo pak energji, por duke mos ditur ta kërkojë e ta gjejë golin. Mungesa e golit i tensionon jo pak dhe nga kjo kundërshtari kërkon të përfitojë me lojën me kundërsulme, duke kërkuar të shfrytëzojë hapësirat që krijohen. Bubeqi, Bokotola e K.Arbri kombinojnë mirë, duke krijuar shpesh alarm në prapavijën e Shkumbinit. Dalja e Turdiut me karton të kuq ndikoi te Shkumbini, që luan me një futbollist më pak dhe u jep edhe zemër lushnjarëve për të pretenduar më shumë se barazimi. Këtë e arrin me golin e G.Çelës me 11-metërsh. Më pas Shkumbini bën gjithçka, krijon epërsi në çdo drejtim, por nuk arrin ndryshimin e rezultatit. Ekipi i Shkumbinit dje ka pësuar humbjen e parë në Peqin për këtë kampionat dhe këtë ia shkaktoi një ekip si Lushnja, me shumë probleme për këto javët e para. Duhet pranuar se ishte një fitore e merituar e ekipit të Malkos, që morën tri pikët, duke e tejkaluar objektivin që kishin për këtë takim, pasi në Peqin nuk kishin shkuar më shumë se barazimi më parë. Loja e djeshme, në një terren të rënduar nga shirat, që nuk munguan edhe gjatë 90 minutave, nxorri fitues ekipin lushnjar, që diti të përshtatej më mirë, duke luajtur thjesht e me kundërsulme. Pavarësisht epërsisë që krijuan vendësit në lojë e në raste, fitues ishin miqtë nga Lushnja, duke hedhur poshtë pretendimet e Shkumbinit për një fitore të sigurt. Ky rezultat është një ndëshkim për vendësit që nuk ditën të shfrytëzonin rastet që patën, si për të argumentuar atë që njihet në futboll se, po nuk shënove, do ta pësosh. Në takimin e djeshëm janë të shumta rastet e humbura nga futbollistët e Shkumbinit, pikërisht nga sulmuesit Rizvanolli e Nora, por edhe nga mesfushori Bizhyti, Shenaj, Turdiu, pa harruar edhe mbrojtësin Shameti. Ishte një epërsi e pakonkretizuar e të besuarve të Maganit, që i shkoi për shtat ekipit lushnjar, duke luajtur me kujdes dhe duke ditur t’i përgjigjet lojës së Shkumbinit me grintën e treguar. Nëse nuk u shënua gol tjetër nga Shkumbini, merita është e mbrojtjes mike dhe e portierit Spaho, por më shumë se kjo, ishte dobësi e futbollistëve vendës, që sidomos dje, nuk patën qartësinë e duhur, u mungoi qetësia në pasin e fundit, duke e kërkuar me zor.

Deklarojnë:
Konferenca e shtypit nuk u zhvillua, pasi të dy trajnerët Gugash Magani i Shkumbinit e Sajmir Malko i Lushnjës nuk u paraqitën.

Të veçanta:
Edhe dje përpara fillimi të takimit me Lushnjën, si gjithmonë, nuk munguan fishekzjarret.
Në mesin e pjesës së parë ka filluar një shi i rrëmbyeshëm, që vazhdoi për 30 minuta, duke e rënduar edhe më shumë terrenin.
Tribuna qendrore ka qenë e mbyllur për shkak të punimeve që po bëhen, por moti i keq i ka detyruar që ajo të hapej në pjesën e dytë.
Ka filluar me 5 minuta vonesë pjesa e dytë, pasi vëzhguesi i FSHF së, B.Pregja, ka kërkuar që vijat kufizuese të fushës të vizoheshin përsëri.
Trajneri lushnjar S.Malko ka preferuar të ndjekë të gjithë takimin në këmbë, pavarësisht motit.
Interesimi i madh i mediave për takimin me Lushnjën, kr ishin të pranishëm, si asnjëherë tjetër, grupe televizive nga kryeqyteti.
Të dy kryetarët e bashkive, të Peqinit e Lushnjës, e ndoqën takimin pranë njëri tjetrit.

Java 4, Rezultatet e golashënuesit

Tirana falë fitores në Fier me Apoloninë (0-2, gola të Lilës e Memellit) morri përkohësisht kryesimin e Superligës (10 pikë), duke pritur ndeshjen Dinamo-Elbasani, që do të luhet të dielën në kryeqytet.

Flamurtari ia doli të fitojë me Vllazninë (1-0, gol i Brajkoviç) në Vlorë, edhe pse nëntë minutat e fundit, përfshirë edhe shtesat luajti me 10 lojtarë (Begaj, karton i kuq në minutën e 85-të).

Ilir Daja e nisi debutimin e tij në stolin e Besës me një humbje, teksa skuadra kavajese u mposht 1-0 në Peqin. Golin e vetëm të Shkumbinit dhe krej ndeshjes e realizoi Rizvanolli në të 66’.

Të dielën luhen takimet Dinamo-Elbasani, Bylis-Lushnja e Teuta-Partizani (në Shijak).

KATEGORIA SUPERIORE

JAVA IV

E shtunë, 20.09.2008

Shkumbini-Besa 1-0

Shënues: Rizvanolli 66’

Apolonia-Tirana 0-2

ShënuesL Lila 30’, Memelli 65’

Flamurtari-Vllaznia 1-0

Shënues: Brajkoviç 25’

E diel, 21.09.2008

Dinamo-Elbasani S.Cekaj

Bylis-Lushnja K.Meta

Teuta-Partizani* A.Lulaj

* Luhet në Shijak

Ndeshjet fillojnë në orën 16:00

RENDITJA SUPERLIGA

Java III

Skuadra P

1.Tirana 10

2.Shkumbini 9

3.Vllaznia 7

4.Elbasani 7

5.Flamurtari 6

6.Dinamo 5

7.Apolonia 4

8.Besa 4

9.Partizani 3

10.Lushnja 3

11.Teuta 1

12.Bylis 0

Bylisi në kërkim të pikëve të para

ylisi ende pa asnjë trajner zyrtar (në bankinë do të ulet Dashnor Dume)
i ka të gjitha mundësitë kundër Lushnjës (së ardhur nga Kategoria e
Parë) të marrë pikët e para në Kategorinë Superiore.

Tri
humbje në po aq ndeshje provokuan edhe dorëheqjen e trajnerit të njohur
Faruk Sejdini. Dy ekipet kanë njohje të vjetër pasi që të dyja luanin
një sezon më parë një kategori më poshtë e java e fundit midis tyre
kishte edhe një notë “fqinjësh”.

Lushnja vjen pas fitores 2-1
me Flamurtarin dhe një humbje në transfertë nuk do të ishte një dramë.
Dy ekipet për herë të fundit kundër njëri-tjetrit në Kategorinë
Superiore kanë luajtur në sezonin 2002-2003, por ishte Lushnja që fitoi
atëherë në Ballsh me rezultatin 3-1.

Në tetë takimet e fundit
nga sezoni 1999-2000, dy skuadrat kanë një ekulibër të plotë: nga 2
fitore secila e 4 barazime. Golat: 13-11 për Lushnjën.

BYLIS-LUSHNJA

Stadiumi “Adush Muça”, Ballsh

21.09.2008, Ora 16:00

Gjyqtar: Kridens Meta (Tiranë)

Bilanci: 13 ndeshje; 6 fitore Bylis, 4 barazime, 3 fitore Lushnja. Golat: 20-17

Fitorja e fundit e Bylisit: 3-1, 14.04.2001

Barazimi i fundit: 1-1, 09.09.2002

Fitorja e fundit e Lushnjës: 3-1, 19.04.2003

Bravo Shqipëria, jemi të parët në grup!

Shënues: Bogdani 46′, K.Duro 84′, Dallku 90′

SHQIPERIA: Beqaj, Dallku, Cana, Curri, Agolli, K.Duro (B.Berisha 86′), E.Bulku (E.Beqiri 55′), Hyka, Skela, Lala, Bogdani (Salihi 72′). TRAJNER: Ari Han
MALTA: Haber, Xuereb, Bajada, Dinech, Agius, Bifa (Rendo 46′) Misfut, Samut, Shembri, Pace. TRAJNER: Dusan Fitzel
GJYQTARE: R.Schoergenhofer, E.Breuter, R.Buch (Austri)
Kartonë të verdhë: Dallku, E.Beqiri, Cana, / Bajada

Minutë pas minute
3′ Kuqezinjtë e kanë nisur në sulm. Hyka në krahun e majtë të sulmit tonë furnizohet me topa të gjatë nga mbrotja dhe mesfusha e Shqipërisë.
5′ Rast i artë për gol nga ana e Shqipërisë. Bogdani ul me gjoks një top për Klodian Duron, që, i vetëm me portierin maltez, gabon rëndë, e dërgon topin jashtë kuadratit kundërshtar.
10′ Goditja e parë nga këndi për maltezët, që vizitojnë po për herë të parë portën kuqezi. Zona kuqezi spastrohet me kokë nga Lorik Cana.
16′ Një top i gjatë për Dallkun në krahun e djathtë të mesfushës kuqezi, por miqtë e bllokojnë mbrojtësin në inkursionin e tij. Megjithatë, Skela bën një sllaom, duke futur një top në zonën mike, ku topi endet për gati 2 minuta, por nuk konkludojmë dot.
20′ Maltezët shohin më shumë drejt portës sonë. Mundohen me topa të lartë, por mbrotja kuqezi është në lartësinë e duhur, duke larguar çdo rrezik për Beqajn.
22′ Kundërsulm i maltezëve, që gjen të papërgatitur mbrojtjen kuqezi. Vetëm dalja e portierit Beqaj, në kohën e duhur, shmang një gol të sigurtë për miqtë.
29′ Bogdani vepron bukur në zonën mike, duke e mbrojtur topin, aty i ndërhyjnë në mënyrë të dyshimtë mbrojtësit maltezë, por gjyqtari austriak nuk është i mendimit për penallti. Loja vazhdon.
35′ Krahu i majtë i mesfushës sonë nuk funksionon si duhet. Agolli nuk përparon në ndihmë të sulmit, kështu që loja e tanëve është e zbehtë dhe pa rrezikshmëri.
37′ Gjuajtje predhë e Skelës nga rreth 20 metra largësi, pret në pozicion portieri maltez.
40′ 43′ Tri goditje këndi radhazi për tanët. Gjithçka mbyllet me një gjuajtje për t’u harruar nga Duro, përballë portierit mik. 44′ Ervin Bulku vepron bukur në të djathtë të sulmit kuqezi, fut një top të artë në zonën mike për Bogdanin, i cili shtrihet tokazi për ta goditur “sferën”, por nuk e arrin dot.
45+1′ 1 0. Goool Bogdani! Shqipëria kalon në avantazh. Krosimi i Klodian Duros goditet bukur me kokë nga “Er Bomber”, që gjen rrjetën e portës malteze. Pjesa e parë mbyllet me fitoren e Shqipërisë 1-0.
47′ 54′ Tanët luajnë disi të tërhequr, ndërkohë që miqtë shohin më shumë drejt portës së Beqajt, si duket për të barazuar. Sidoqoftë, ata mbeten larg zonën së rreptësisë kuqezi, pasi tanët janë në lartësinë e duhur.
55′ Del nga loja Ervin Bulku, futet në fushë në vend të tij Elvin Beqiri. Kjo lëvizje nxjerr përpara, në mesfushë, Lorik Canën.
57′ Rast i artë për golin e dytë kuqezi. Dallku fut bukur një top në zonën mike, ku Hyka, i vetëm me portierin maltez, bën të pamundurën, gjuan jashtë kuadratit, në të njëjtin pozicion ku shënoi ndaj Lihtenshteinit.
62′ Bogdani bën gjithçka bukur në zonën e maltezëve. Vallëzon me topin mes mbrojtësve miq, gjuan, por fatkeqësisht jo saktë, ngjitur me shtyllën pingule të portës së Maltës.
65′ Karton i verdhë për Beqirin, për ndërhyrje të gabuar, të verdhë edhe për Canën, për protestë.
72′ Ndërhyrje e gabuar e maltezëve ndaj Bogdanit, i cili e ka të pamundur të vazhdojë më tej lojën. Në vend të tij hyn Hamdi Salihi.
78′ Duro vepron bukur në zonën malteze, zbulohet i vetëm me portierin mik, gjuan fort, por goli evitohet nga portieri maltez, i gjendur në pozicion.
82 83′ Drithëria në portën tonë. Dy raste tejet të rrezikshme në portën e Beqajt, por ky i fundit tregon vlerat e tij të larta si portier, duke evituar gola të sigurtë.
84′ Gooool, 2 0! Kundërsulmi i tanëve. Hyka fut një top të zgjuar në zonën malteze, ku Klodian Duro, duke shfrytëzuar një dalje huq të mbrojtësit mik, gjuan tokazi dhe shënon golin e dytë për Shqipërinë.
89′ Berisha gjuan fort drejt portës mike, por grushton mrekullisht portieri maltez.
90′ Gooool, 3 0! Goditje këndi për Shqipërinë. Ekzekuton Skela, topi gjen kokën e Dallkut, që shënon golin e tretë, duke mbyllur ndeshjen me fitore 3 0 për kuqezinjtë tanë, që renditen të parët në grupin tonë kualifikues, me pikë të barabarta me Suedinë dhe Danimarkën, por me golaverazh më të mirë se nordikët.

Trajneri kuqezi ka thënë se ekipi nuk do të zhvillojë me Suedinë një lojë shumë ndryshe nga e kaluara
Hani, “gjurmëve” të Bariçit për Suedinë
Për trajnerin e kombëtares, Ari Han, Shqipëria ka shumë punë për të bërë. Koha e paktë që ka pasur në dispozicion dhe zhvillimi i vetëm dy miqësoreve, ka bërë që filozofia e Hanit për lojën të jetë e vështirë për t’u zbatuar nga kuqezinjtë. Me Suedinë, edhe pse holandezi mendon se ndeshja duhet fituar, loja pritet të mos ketë ndryshime nga ndeshjet e kaluara, kur ishte epoka e kroatit Oto Bariç. Këto dhe përshtypjet e tij të para pas tri ditë stërvitjesh, trajneri Ari Han i shprehu dje nga kompleksi “Skënder Halili”, ku kuqezinjtë po kryejnë përgatitjet anti-Suedi. “Jam i kënaqur nga këto tri ditë stërvitje, por kemi shumë punë për të bërë, pasi filozofia ime ndryshon me mënyrën se si ka luajtur futboll Shqipëria deri më tani. Kjo do të thotë që unë për momentin duhet të përshtatem, sepse natyrisht më mungon edhe koha për të vënë në “jetë” këtë filozofi,”- tha fillimisht trajneri kuqezi.
“Loja me Suedinë, pak ndryshime nga e kaluara”
Më pas, holandezi flet rreth përgatitjeve, kundërshtarit, si dhe për Shqipërinë që do të shihet të shtunën në “Qemal Stafa”.
“Ajo çfarë unë po përpiqem të bëj në këtë moment, është që çdo futbollist nga ana individuale duhet të përmirësojë pozicionin ku ai luan. Pa harruar që ndeshjen me Suedinë ne duhet ta fitojmë. Dua të theksoj se Shqipëria nuk do të luajë me Suedinë shumë ndryshe, nga çfarë ka luajtur në të kaluarën, sepse më mungon edhe koha. Natyrisht, Suedia nuk është kundërshtari i parë më i fortë, pasi në grupin tonë ka edhe të tjerë. Jemi të ndërgjegjshëm që kemi një grup shumë të vështirë, por do të bëjmë maksimumin që ndeshjen e parë ta përfundojmë në avantazhin tonë,”- u shpreh trajneri Han, i cili vlerëson angazhimin e lojtarëve dhe kushtet e stërvitjes.
“Lojtarët po stërviten ashtu si duhet dhe kanë një angazhim të madh. Ata po e përballojnë stërvitjen, por nga ana tjetër duhet të rriten më shumë. Tani kemi edhe dy ditë kohë për të rregulluar disa gjëra. Këtë herë duhet të theksojmë se kushtet e fushës janë të mira. Kemi pasur vështirësi në këtë aspekt, pasi, siç dihet, në prag të miqësores së fundit, zhvilluam vetëm një seancë.”
“Mbulimi i Ibrës? Nuk shënon vetëm ai”
Duke qenë se te kombëtarja e Suedisë në sulm luan një lojtar si Zlatan Ibrahimoviç, i gjithë opinioni është fokusuar tek ai. Megjithatë, për Hanin nuk duhet menduar se kush do ta mbajë shtatlartin e nordikëve, pasi nuk shënon vetëm ai. Holandezi thotë se “ylli” i Interit është një lojtar i eliminueshëm.
“Ne e dimë që Ibrahimoviçi është më i rrezikshmi, por nuk mund të them tani se kush do ta mbajë atë. Te Suedia nuk shënon gola vetëm Ibrahimoviçi, por edhe sulmuesi me eksperiencë Larson. Bindja ime është që këta dy lojtarë janë të eliminueshëm. Ajo që duhet ta mendojmë mirë është se Suedia në ndeshjet e fundit ka praktikuar një sistem të ri loje, me variantin 3 5 2. Eshtë kjo pika ku ne duhet të përshtatemi.” Edhe gjatë provave në stërvitje, Ari Han ka lënë të kuptojë se qendra e mbrojtjes kuqezi pritet të përbëhet nga lojtarë shtatlartë si Curri, Teli apo Beqiri, të cilët mund të mbulojnë sulmuesin e njohur të Suedisë.
“Nuk po shënojmë, kjo po më shqetëson”
Shënimi i golit është një problem tjetër për trajnerin kuqezi. Ai e ka vënë re këtë aspekt edhe gjatë stërvitjes së kuqezinjve. Këta të fundit tregohen të mefshtë para portës, duke humbur raste të pastra për shënim. I pyetur nga “Sporti shqiptar”, trajneri Han sqaroi: “Natyrisht që mungesa e golave më shqetëson. Janë disa gjëra, të cilat duhen llogaritur, sepse për të luajtur ashtu siç duam, me karakter sulmues, ne nuk arrijmë të shënojë dhe gola. Kjo do të thotë që duhet të jemi shumë të kujdesshëm, sidomos kur kemi të drejtën e goditjeve të lira. Unë mendoj se nga këto të fundit mund të arrijmë të shënojmë. Duhen shfrytëzuar shumë edhe goditjet nga këndi. Megjithatë, së pari ne duhet të kemi një skuadër dhe pastaj të rregullojmë këto gjëra.”
“Loja e Berishës, jashtë filozofisë sime”
Duke folur për ata që do të jenë në fushë të shtunën, holandezi i kombëtares theksoi se loja e Besart Berishës nuk është në filozofinë e tij. Ndërsa lidhur me Erion Bogdanin, trajneri nuk pranoi të komentonte. “Eshtë pak herët të bëj një gjykim për Berishën. Kam zhvilluar një bisedë të gjatë me të. Personalisht më duhet edhe pak kohë për ta vlerësuar sa më mirë. Ia kam bërë të qartë se çfarë pres prej tij. Gjithsesi, mund të them që Berisha është diçka ndryshe nga çfarë luhet futbolli i sotëm. Ai luan në një mënyrë, që s’i përket filozofisë sime. Për këtë qëllim kam folur gjatë me të. Bogdani? Nuk dua të përgjigjem për lojtarë të veçantë, pasi duhet të presim pak.” Për sa i përket formacionit, njëshi i stolit shqiptar deklaroi se 90% të atyre që do të jenë nga minuta e parë e ka të qartë

Bylis, një njohje e vjetër për Lushnjën

i Lushnja, ashtu edhe Bylis, një vit më parë kanë luajtur në kategorinë e parë

Futbollistët e ekipit të Lushnjës kanë hyrë prej ditës së mërkurë në përgatitjet për ndeshjen e javës së katërt të kampionatit, atë të transfertës së Ballshit, ku do të përballen me ekipin që nuk ka
asnjë pikë. Nga të gjithë, në kampin verdhejeshil ky takim është konsideruar mjaft i rëndësishëm, edhe për faktin se pas marrjes së fitores në javën e kaluar në shtëpi ndaj Flamurtarit, kërkohet tashmë një vazhdimësi e rezultateve pozitive për skuadrën. Stafi teknik, me në krye Malkon, po bën gati strategjinë e tij për ndeshjen e radhës. Aktivizimi i të gjithë futbollistëve nuk është e mundur në këto momente, që skuadra të jetë kompakte dhe e fuqishme në fushën e lojës. Me sa duket, sërish në takimin e radhës, stafi teknik do t’u besojë atyre futbollistëve që janë përballur mjaft denjësisht me ekipin e Flamurtarit. Futbollistët janë aktivizuar edhe në role të ndryshme, si për shembull Polizoi Arbri, i cili luajti gjatë ndeshjes të dielën e kaluar si një mbrojtës i djathtë. Por ndoshta kjo për arsye se ekipit në atë ndeshje i mungonte qendërmbrojtësi, Erion Xhafa dhe ndoshta kjo mungesë pati edhe kompensimin e vet në repartin e prapavijës, ku përveç një momenti pakujdesie në minutat e fundit, ishte në lartësinë e duhur. Stafi teknik po bën “llogaritë” e tij gjatë këtyre ditëve, në mënyrë që në ndeshjen e fundjavës të gjejë edhe njëherë tjetër atë sukses, të ardhur në momentin më kyç për ecurinë e ekipit. Lushnja do të luajë përballë Bylisit këtë javë të katërt të kampionatit, një ekip të cilin, si stafi teknik, ashtu edhe futbollistët e njohin mirë. Të dy ekipet e kësaj përballjeje vijnë në supërligë nga ai sezon i suksesshëm i vitit të kaluar në kategorinë e parë. Ballshiotët si kampionë të saj dhe lushnjarët pasi kanë fituar në “play off” me Kastriotin dhe morën në momentin e fundit një biletë për në superiore. Ballshiotët ishin një nga skuadrat që zhvilluan ndeshje miqësore me lushnjarët në “Roza Haxhiu” para startit të këtij sezoni dhe kjo nuk është lënë pa u analizuar edhe nga stafi teknik në kuadër të kësaj ndeshjeje, e cila kësaj radhe ka vlerat e pikëve në tabelën e klasifikimit dhe jo më për të parë gjendjen e skuadrave. Sipas burimeve brenda klubit të futbollit të Lushnjës, kemi mësuar se sot pasdite ekipi pritet të zhvillojë një ndeshje kontrolli, ku stafi teknik do të shohë edhe gjendjen e futbollistëve që mendon të aktivizojë në sfidën e radhës në kampionat, të dielën ndaj ekipit të Bylisit. Ekipi duket se e ka kaluar tashmë atë gjendje të vështirë që ka kaluar në startin e kampionatit dhe besimi është rikthyer në kampin verdhejeshil, prej të cilëve të gjithë presin një lojë të bukur dhe rezultative.

Qetësia, “arma” kryesore e Lushnjës

dhe pse humbën dy ndeshje, verdhejeshilët me qetësi e kaluan minikrizën, duke u zhbllokuar

Verdhejeshilët e drejtuar nga Sajmir Malko dhe ndihmësi i tij Gëzim Beda, si dhe përgatitësi atletik i ekipit Llazar Gjika, kanë vijuar edhe dje përgatitjet në kuadër të ndeshjes së radhës në kampionat. Transferta e Bylisit është konsideruar mjaft e rëndësishme nga të gjithë në kampin lushnjar dhe po punohet për të riparuar edhe ato mangësi e gabime që u vunë re në ndeshjen me Flamurtarin. Kështu, dy seancat stërvitore paradite e pasdite janë programuar në mënyrë që të punohet për gjendjen fizike paradite dhe për përmirësimet në teknikë pasdite. Pasi kanë filluar përgatitjet e ekipit për ndeshjen e radhës, prej së hënës, stafi teknik ka përgatitur një plan stërvitor, ku reparti i mbrojtjes është duke u stërvitur pasditeve jo me grupin e futbollistëve të tjerë, të cilët janë duke punuar me topin dhe me goditjet në kuadrat. Optimizmi është i lartë te të gjithë futbollistët, në krahasim me javën e kaluar, pasi fitorja dhe tri pikët e para në kampionat i kanë ngrohur shpresat për një ecuri të mirë të ekipit në ligën superiore. Seanca e pasdites së djeshme është shfrytëzuar edhe për një ndeshje kontrolli nga stafi teknik, por në ndryshim nga seancat e zhvilluara që nga fillimi i javës në aneksin dhe fushën e stadiumit “Roza Haxhiu”, kjo ndeshje kontrolli është luajtur në fushën sportive të Plugut. Përzgjedhja e këtyre ambienteve larg vëmendjes së tifozerisë konsiston në mbajtjen në qetësi të plotë të futbollistëve para një sfide tepër të rëndësishme të ekipit verdhejeshil, kur na ndajnë edhe dy ditë nga ndeshja e javës së katërt, ku prej ekipit kërkohet përqendrim dhe punë në realizimin e detyrave që ka ngarkuar stafi teknik. Sigurisht që gjendja tanimë nuk është ajo e dy javëve të shkuara dhe futbollistët janë më të çliruar psikologjikisht për takimin e radhës, ku duhet patjetër të krijojnë një vazhdimësi të rezultateve. Në fakt, të gjithë futbollistët të mësuar tashmë me idenë se nuk duhet të prononcohen pa lejen e drejtuesve të klubit dhe janë të kursyer në fjalët e tyre, por nuk mund të mos dallosh dëshirën e tyre, kur thonë se do të luajnë për t’u paraqitur sa më mirë. Prej ditësh, me ekipin lushnjar nuk stërvitet Xhafa, që po vuan një tërheqje muskulore, e cila e detyroi të qëndrojë jashtë fushës në ndeshjen e javës së kaluar. Edhe Elezi është i dëmtuar, edhe ai me të njëjtën diagnozë si mbrojtësi, por tri javë më parë. Në të trija ndeshjet e javëve të luajtura deri më tani në kampionat, formacioni i ekipit verdhejeshil nuk ka qenë i njëjtë, por janë bërë lëvizje në të. Kjo duket për t’iu përshtatur kundërshtarëve dhe sigurisht që për ndeshjen me ekipin e Bylisit, trajneri Malko në konsultim edhe me specialistët e ekipit, do të përshtasë futbollistët në funksion të situatës.

Bylisi ngre “pusinë” për Lushnjën

Ballshiotët po përgatiten dhe kanë besimin e nevojshëm për të siguruar fitoren e parë

“Gjendja e skuadrës është përmirësuar dhe është rritur besimi që më së fundi do të dalim nga kolapsi ku jemi përfshirë gjatë javëve të para,” është shprehur mesfushori i Bylisit, Mariglen Kule, në prag të ndeshjes me Lushnjën. “Ka qenë thjesht një mosakordim me fillimin e kampionatit, ndoshta ka qenë edhe fati kundër nesh, pa llogaritur dhe mosdashamirësinë e gjyqtarëve në ndonjë ndeshje të veçantë. A është e lehtë ndeshja me myzeqarët? Jo, aspak. Kundërshtari ynë e ka kaluar situatën të cilën kemi vuajtur edhe ne në javët e para, pasi Lushnja arriti të fitonte ndaj Flamurtarit në javën e shkuar, ndaj një skuadre që nuk mund të llogaritet si skuadër e lehtë. Kështu që Lushnja vjen e motivuar për të vazhduar më tej. Ne i njohim kundërshtarët tanë, pasi kemi bërë të njëjtin evolucion dhe kemi ardhur nga e njëjta kategori. Lushnja është një ekip që gjithmonë të krijon probleme dhe kërkon pikë edhe kur luan jashtë fushe. Megjithatë, për ne nuk ka rrugë tjetër dhe do të kërkojmë vetëm një rezultat, fitoren, me lojë bindëse dhe rezultat. Ka ardhur më në fund momenti i kthesës së Bylisit, i kthesës që më vonë duhet të sjellë patjetër rezultate pozitive në vazhdimësi,” – shton Kule. Lushnja do të jetë mysafire në “Adush Muça” ditën e diel, atje ku skuadra mallakastriote do të ngrejë “pusinë” e radhës për të marrë tripikëshin e parë dhe për t’i dhënë fund “agjërimit” prej tri javësh shterpësisë së këtij kampionati.